Балалар және жасөспірімдер арасында ШИНКИОКУШИНКАЙ каратэден Алматы облысының ЧЕМПИОНАТЫ болып, оқушымыз Омаргазиев Ернар өз салмақ дәрежесінде І орынды иеленді. Жетістігіміз көп болғай! 

Наурыз мерекесі қарсаңында құндылықтарымызды насихаттап, шығармашылығымызды шыңдау мақсатында ұлттық ойын тоғызқұмалақ, арқан тарту, садақ ату түрлерінен жарыс ұйымдастырылды. Тоғызқұмалақ ойынының қыр сырын оқушыларымызға жетік меңгертіп жүрген дене шынықтыру пәні мұғалімі Сәкен Еретаевичтің сабақ беретін 3 г сынып оқушылары жүлделі орындарды иеленіп, мақтау қағаздарымен марапатталды. 

27 наурыз халықаралық театр күніне орай оқушыларға кино әлемінің шығу және даму тарихын таныстыру мақсатында музыка пәні мұғалімдерінің ұйымдастыруымен "Атақты қазақ кино актерлері" атты танымдық сабақтар өтті. 

  2020-2021 оқу жылының көктемгі демалыс кезеңінде биология пәні мұғалімдерінің ұйымдастыруымен "Менің Эко - үйім" атты тақырыпта онлайн эко - сабақтар өткізілді. 

  ҚР Тәуелсіздігінің 30 жылдығына орай "СПОРТ ЖҰЛДЫЗДАРЫ" жүлдесі үшін үстел теннисінен жалпы мұғалімдер арасында өткен Республикалық турнирде ІІІ орынды иеленген дене шынықтыру пәні мұғалімі СӘКЕН ЕРЕТАЕВИЧТІ құттықтаймыз. Еңбегіңіз жемісті, жылдарыңыз жеңісті болып, гимназиямыздың қоржынын жүлделі орындармен толықтыра беріңіз. 

   2021 жылдың Наурыз айының 25 күні 282 мектеп-лицейінде “Педагогтардың эмоционалды тұрақтылығы” атты тренинг өткізілді. Мақсаты: Психоэмоционалды күйін реттеу дағдысын қалыптастыру. Педагогтардың эмоционалды  күйінің алдын-алу. Қарым-қатынастағы біліктілігін арттыру. Ұйымдастырған мектеп психологтары Абайділдаева С. Косымбаева Б.  

  Алматы облысының белбеу күрес федерациясының ұйымдастыруымен өткен облыстық чемпионатта оқушымыз Қыдырмолда Даниял өз салмақ дәрежесінде жүлделі ІІ орынды иеленді. Ұлыстың ұлы күнінде гимназиямыздың қоржынын спорттағы жетістігімен толықтырған Даниял ұлымызға үлкен жеңістер тілейміз.  

Он саусақтарынан өнер тамған ұл- қыздарымыздың Әз-Наурыз мерекесіне арнап салған суреттері мен қолөнер туындылары. Шығармашылық жолында шыңдала беріңіздер!

Бірінші сынып оқушыларының құжаттарын қабылдау 1 сәуірде басталып, 1 тамызға дейін жалғасады. Бұл – білім беру процесіне қатысушыларға ыңғайлы болу үшін қабылданған шешім.  Ата-аналар мектепті алдын-ала анықтап, оқуға қажетті құжаттарды уақытылы тапсырады, сондай-ақ балаларды оқу құралдарымен қамтамасыз етеді.  Мектеп басшылығы сыныптарды жинақтап, қажетті оқулықтарды алдын ала сатып алады. Сонымен қатар педагогтер құрамын анықтап, сағат санын бөледі.Өтінішті egov.kz арқылы беруге болады.