Әлемде, жалпы елімізде болып жатқан келеңсіз оқиғалардың алдын алу және ұл балалар арасында кездесетін жыңыстық аурулар, оның денсаулыққа қаншалықты зиян екендігін түсіндіре отырып ұл бала тәрбиесіне дұрыс көңіл бөлуге ақыл-кеңестер беру мақсатында мектебіміздің ер балаларымен жиналыс ұйымдастырылып, сұрақтарына жауап берілді. Қандай да жұқпалы дерттердің белгілері көріне бастаған сәттен бастап дер кезінде, уақтылы дәрігерге қаралуды міндетіміз деп білейік. Ұрпағымыздың болашағы өз қолымызда.

№14 орта мектеп-гимназиясында мектеп үздіктері мен екпінділерін еліміздің нағыз патриоттарын, еңбекқұмар, білімге құштар, салт - дәстүріміз бен адамзаттық құндылықтарымызды қастерлейтін жас жеткіншектерді, отансүйгіш ұландарды тәрбиелеу мақсатында Республикалық Бірыңғай «Жас Ұлан», «Жас Қыран» балалар мен жасөспірімдер ұйымына салтанатты түрде қабылдау рәсімі өткізілді.

Әлемде, жалпы елімізде болып жатқан келеңсіз оқиғалардың алдын алу және қыз балалар арасында кездесетін ерте жүктілік, оның денсаулыққа қаншалықты зиян екендігін түсіндіре отырып қыз бала тәрбиесіне дұрыс көңіл бөліп, ақыл-кеңестер беру мақсатында 9-10 сыныптары арасында қыздар жиналыс өткізілді.

Мектебіміздің “Жігер” дебат клубының “ Сириус” командасы Д. Қонаевтың 110 жылдығана орай ұйымдастырылған қалалық пікірсайыстан жүлделі I орын алды.

Мамандық таңдау – өміріңіздің бір кірпішін дұрыс қалау. Ең қиын мамандық – адам болып қалу. Осы орайда мектебіміздің 11-сынып оқушыларына мамандық таңдау, кәсіби бағдар беру мақсатында мансап және жұмыспен қамту орталығынан Абдулмуслимов Жохар, Алтай Айдын келіп 11-ші сыныптарға Талдықорған қаласында орналасқан Жетісу университетіне оқуға қалай түсуге болады және қандай жеңілдіктер болатыны туралы әңгіме өткізіп кетті.

Қараша айының 23 күні мектебіміздің 11 сынып оқушыларымен кәсіби бағыт-бағдар беру мақсатында КНБ әскери шекара академиясының қызметкерлерімен кездесу өткізілді. Кездесу барысында оқушылар әскери мамандықтар туралы ақпараттар алды.

Мектебіміздің жоғары сынып оқушыларымен Талдықорған қалалық емханасының валеолог маманы А.А.Шарипбаева, наркодиспансердің маманы Т.И.Черненко және Жастар ресурс орталығының психолог мамандарымен " Есірткелік және психотропты заттардың алдын алу" мақсатында кездесу өткізілді.

№14 орта мектеп- гимназиясының кітапханасында «Менің шежіремнің тарихы» атты шара өткізілді. Шараға 5 «Г»сынып оқушылары, тарих пәнінің мұғалімі Зауатбекова А. қатысты. Шараны кітапханашылар Л.Д. Косаумасова, Р.Рамазанқызы ұйымдастырып жеті атаның шежіресін білу қазіргі таңдағы өзекті мәселелердің бірі болғандықтан, жас жеткіншектерді отансүйгіштікке баулитын, өз отбасының тарихын, шежіресін білуге деген қызығушылығын тудырып, оқушыларға жеті атаны білудің маңызы зор екендігі түсіндірілді.

№14 орта мектеп гимназиясында «Бала құқығы – адам құқығы» республикалық онкүндік аясында "Қатігездіксіз және зорлық -зомбылықсыз балалық шақ" атты ата-аналар мен оқушылар арнайы сауалнама өтті.

№14 орта мектеп гимназиясында «Бала құқығы – адам құқығы» республикалық онкүндік аясында 5-6 сыныптар «Әр баланың құқығы бар» тақырыбында сурет көрмесі өткізілді.